البديل الأفضل لبرفان فالنتينو اومو انتنس Valentino uomo intense

البديل الأفضل لبرفان فالنتينو اومو انتنس Valentino uomo intense 

مساء الخير على كل محبين العطور فى مصر والوطن العربي النهارده معانا عطر شتوى ممتاز جدا وهو يعتبر الوريث الشرعى فرأى لعطر فضل متصدر افضل العطور الشتوية لفتره طويله وهو ديور اوم انتنس العطر واللى بيتفوق على الاصدارات الجديده من ديور اوم انتنس فى الأداء والعطر هو 

Valentino uomo intense

العطر هو فالنتينو اومو انتنس عطر ممتاز جدا بيجى من بيت ازياء فالنتينو الايطالي المقرب إلى قلبى شخصيا بسبب إصداره فالنتينو فى اللى رصاصى استوحى منه عطر الرائع دارج 

العطر بيجى فالافتتاحيه اليوسفى والسيدج والقلب فيه الايريس والتونكا والقاعدة فيها فانيلا وجلد العطر من اول الافتتاحيه لغايه القاعده ممتاز جدا وتغيره على الجلد رائع طبعا اللى جرب العطر اكيد لاحظ أنه الايريس مهيمن على العطر والايريس بيعطى احساس بودرى جميل جدا وراقى وبالنسبه لأداء العطر فهو جيد جدا سواء الثبات أو الفوحان وبالنسبه لشكل العلبه أو الزجاجه فهو راقى جدا

التقييم العام للعطر بالنسبه ليه هو 10/10 حتى مع الاخد فى الاعتبار سعره اللى بيتجاوز ال 1800 جنيه واظن انى لو اقدر اوفر المبلغ ده لشراء عطر واحد فقط فالعطر ده حيكون هو 

ولذلك معانا النهارده عطر مشابه ليه جدا وهو

Str8 Hero 

العطر اسمه ستار هيرو والعطر ده اكتشفته بالصدفه لان مش موجود اى مرجع عليه على الانترنت وهو سعره على سوق دوت كوم 118 جنيه وهو سعر ممتاز جدا على جوده المنتج

العطر بيجى من بيت عطور اسمه ستار وتقريبا أنه بيت عطور اوروبى ممكن يكون يونانى أو روسى مش متاكد وفيه عطور أخرى من بيت العطور ده أن شاء الله حجربهم واعرض عليكم 

 الأفضل منهما 

أما بالنسبة للعطر اللى معانا النهارده هو هيرو وهو مطابق جدا لعطر فالنتينو اومو انتنس بالذات فالافتتاحيه لأن العطر ده بيجى  فالافتتاحيه اليوسفى والحبهان والقلب فيه ايريس ولافندر والقاعدة فيها فانيلا وسيدر طبعا باين جدا أنه مشابه للعطر الاصلى إلى حد التطابق وكمان الرائع فى العطر انه أداءه كويس جدا ممكن يديك 8 ساعات ثبات وفوحان لمده ساعتين وده رائع جدا بالذات فمتوسط السعر ده 

العطر ده انا يعتبره أنه من افضل العطور اللى اشترتها خلال عام  2019 بالكامل لانه سعره ممتاز واداءه رائع وطبعا الرائحه كمان مطابقه لعطر فالنتينو اومو انتنس واللى هو كمان مشابه جدا لعطر ديور اوم انتنس 

بالنسبه للعرض فالعطر بيجى فى عبوه خارجيه معدنيه وزجاجه العطر تقليديه ممكن نقول إن العرض كمان جيد جدا

بالنسبه للتقييم النهائي للعطر هو بالنسبه للعرض والتقديم 10/8.5 الرائحه 10/9 الاداء 10/9.5 القيمه مقابل السعر 10/10 التقييم العام للعطر 10/9