افضل البدائل لعطر كريد الابيض سيلفر ماونتن وتر Creed silver mountain water

افضل البدائل لعطر كريد الابيض سيلفر ماونتن وتر Creed silver mountain water

مساء الخير على كل محبين العطور في مصر والوطن العربي

النهارده وبعد انقطاع طويل بسبب ظروف العمل وعدم التفرغ رجعت لكم ببدائل جديده لعطر كريد سيلفر ماونتن وتر الشهير فالمنطقة العربيه بعطر كريد الابيض وبما أن ابتدى فصل الربيع والصيف فانا حبيت اعرض عليكم بدائل جديده لعطر كريد المفضل بالنسبه ليه فى فصل الربيع والصيف

طبعا وبدون اطاله حبيت بس أعطر عليكم بأيجاز مراجعه مختصره لعطر كريد

 Creed silver mountain water

طبعا عطر ممتاز جدا للأجواء الحاره الافتتاحيه جميله جدا الحمضيات تظهر فيها بوضوح القلب فيه الشاى الأخضر والعنب الاسود والقاعدة فيها مسك وخشب الصندل والصمغ طبعا النوته الواضحه جدا فالعطر ده هى الشاى الأخضر والحمضيات عطر ممتاز جدا وراقى ويناسب الأجواء الحاره بكل نعومه وجمال البديل الاول اللى معانا النهارده هو

Ajmal Silver Shade

العطر هو سيلفر شيد من بيت العطور الاماراتى الشهير والقديم اجمل متوسط سعر العطر ده فى محل بيع العطور في مصر وفى مواقع التسوق هو 180 جنيه وهو سعر ممتاز جدا للعطر ده وده بسبب العرض الجميل للعلبه الخارجيه أو للزجاجه الداخليه إلى جانب تطابق رائحه العطر لعطر كريد إلى جانب الأداء الجيد جدا اللى ممكن يوصل الى 7 ساعات وفوحان لمده ساعتين العطر ده انا عرضه علشان يكون بديل لعطر كريد فالاستخدام الصباحى لانه هادى وناعم زى العطر الاصلى تماما

بالنسبه لتقييمى العطر فانا حديله 10/8 من ناحيه الرائحه و10/7.5 من حيث الأداء سواء ثبات أو فوحان  العرض والتقديم 10/8.5 القيمه مقابل السعر 10/9/ والتقييم النهائى للعطر هو 10/8

أما بالنسبة للبديل الثانى اللى معايا النهارده وده حيكون للاستخدام المسائى والسهرات فى فصل الصيف أو الربيع وهو 

Rasasi Entebaa

العطر التانى هو بيت عطور رصاصى الاماراتى وهو انطباع عطر جميل جدا متوسط سعره في محلات بيع العطور في مصر هو 450 يصل إلى 500 جنيه فمواقع التسوق بس ممكن تجيبه فالتخفيضات بسعره أقل من كده العطر ممتاز جدا وتم مزج عطر كريد المنعش الناعم مع بعض التوابل الشرقيه بالاخص الحبهان أو الهيل فأدى العطر بعد آخر جميل جدا ولمسه شرقيه ممزوجه بجمال واضافت العطر فعلا العطر ده أشبه بأنه يكون كريد الابيض ممزوج مع إيف سان لوران لانوى دى لوم العطر الاسطورى علشان كده انا بفضله فالخروجات الرومانسيه أو السهرات المسائيه اداء العطر جيد ممكن يديك 7 ساعات ثبات وفوحان لمده ساعه ونصف وده أداء مناسب للمواقف المخصصة للعطر ده

بالنسبه لتقييمى العطر هو حيكون الرائحه 10/9 والأداء سواء الثبات أو اللوحات 10/7 العطر والتقديم 10/8 القيمه مقابل السعر 10/8 التقييم النهائي للعطر 10/8.5 ولو كان سعره اقل من كده كان ممكن يوصل الى 10/9.5