افضل البدائل لعطر كريد سيلفر مونتن واتر Creed silver mountian water

افضل البدائل لعطر كريد سيلفر مونتن واتر Creed silver mountian water

مساء الخير على كل محبين العطور فى مصر والوطن العربي

موضوع النهارده حيكون عن افضل البدائل الاقتصادية فى السوق لعطر من أشهر العطور الصيفيه الجميله والمميزة وهو عطر Creed الشهير Silver mountian water   أو عطر كريد الابيض وهو عطر صيفى خفيف كريمى مشهور جدا بنوته الشاى الأخضر طبعا العطر الاصلى ثمنه مبالغ فيه جدا ممكن  يوصل لاكتر من 6000 جنيه فى محلات بيع العطور فانا جايب تلاته عطور ثمنهم مجتمعين اقل من 10% من سعر العطر الاصلى وواحد فيهم كأداء وفوحان افضل من العطر الاصلى نفسه

1- Al rehab silver

من اشهر بدائل عطر كريد الابيض وهو عطر سيلفر من بيت عطور الرحاب وهو بيت عطور سعودى مشهور بأنه بيعمل بدائل لعطور غاليه بسعر رخيص العطر ده متوسط سعره حوالى 40 جنيه فى محلات بيع العطور وموجود على سوق بسعر 65 جنيه بس السعر ده لعبوه 30 ملى العطر ده أداءه مقبول قصاد سعره وهو بديل مقبول العطر الاصلى عيبه أنه مفهوش فوحان جيد و 4 ساعات على الجلد ويوم على الملابس 

2- Elior new man style

بديل كويس ومش مشهور لعطر كريد الابيض من بيت عطور امارتى اسمه اليور مش فى شهره باقى بيوت العطور الاماراتيه زى رصاصى وارماف العطر أداءه أفضل من عطر سيلفر متوسط سعره حوالى 130 جنيه فى محلات بيع العطور مشكله العطر ده 

فى عدم التوافر معظم الوقت

3- Rasasi Al wisam day

عطر الوسام الابيض من بيت عطور الرصاصى عطر ممتاز من كافه النواحى رائحه واداء وتصميم افضل بديل لعطر كريد الابيض بل يتفوق على عطر كريد فى أداءه فوحان  من 2 الى 3 ساعات ثبات 8 الى 9 ساعات يأتى فى علبه وزجاجه قيمه سعره غالى شويه عن باقى العطور بمتوسط سعر 450 جنيه ولكنه يستحق اكثر من هذا المبلغ