افضل بدائل للكينج عطر كريد افينتوس Creed Aventus

افضل بدائل للكينج عطر كريد افينتوس Creed Aventus 

مساء الخير على كل محبين العطور فى مصر والوطن العربي

النهارده وبعد غياب جايب ليكم افضل بدائل اقتصاديه للكينج ملك العطور Aventus من بيت عطور Creed طبعا العطر مش محتاج كلام كتير عنه بس طبعا عيب العطر الشهير سعره المبالغ فيه اللى ممكن يعدى ٨٠٠٠ جنيه مصرى فانا جايب ثلاثه عطور حيديك نفس احساس العطر الاصلى

1- Reyane Tradition insurrection 2

 من بيت عطور ريان ترديشن الفرنسى بديل مشهور لعطر كريد افينتوس  متوسط سعره فمحلات بيع العطور 260 جنيه أداء متوسط 3 ساعات وفوحان لمده ساعه ولكن رائحه العطر قريبه جدا لرائحه العطر الاصلى وبيجى فى علبه وزجاجه  ممتازه 

2- Lomani Ab Spirit Silver

بيأتى العطر من بيت عطور لومانى الفرنسى  بديل كويس لكريد افينتوس متوسط سعره 250 جنيه فى محلات بيع العطور بيديك أداء كويس وفوحان لمده ساعه ولكن رائحه  افضل من السابق ومتوفر اكتر فالمحلات واكتر عطر برشحه من حيث التوافر وسهوله الشراء

3- Armaf Club de nuit intense

من بيت عطور ارماف الشهير طبعا لمحبى العطور فهو افضل بديل لكريد افينتوس ويتفوق على كريد افينتوس من حيث الأداء سعره العالمى 30 دولار ولكنه غير متوفر فى مصر ولو توفر بيكون سعره مبالغ فيه ممكن يعدى 1000 جنيه فافضل طريقه لشراء هذا العطر الرائع هو لو كان ليك معارف أو اصدقاء فى اى دولة من دول الخليج العطر حيكون فى حدود 400 جنيه كلا حسب عمله بلده ولكن افضل بديل