البديل الأفضل لبرفان دولتشى اند جابنا ذا وان نسخه ماء التواليت Dolce and Gabbana the one eau de toilette

البديل الأفضل لبرفان دولتشى اند جابنا ذا وان نسخه ماء التواليت Dolce and Gabbana the one eau de toilette 

مساء الخير على كل محبين العطور فى مصر والوطن العربي النهارده معانا عطر شتوى خريفى ممكن كمان ربيعى مشهور جدا وهو ذا وان اللى بيجى من بيت الازياء الايطالى الشهير دولتشى اند جابنا

Dolce and Gabbana the one eau de toilette

طبعا لأى شخص بيعرف فى مجال العطور اكيد حيعرف العطر ده لانه عطر مشهور جدا وليه أكثر من نسخه مستواحه من العطر ده و بيعتبر أفضلهم ( بأسثناء نسخه البرفان )  بيجى العطر فى علبه كرتون وزجاجه فى منتهى الجمال والرقى طبعا ودى حاجه مش غريبه من بيت الازياء الايطالى الشهير أما عن رائحه العطر فهى جميله جدا فيها توابل واخشاب وتبغ فالافتتاحيه فيها حمضيات وكزبره وريحان والقلب فيه حبهان( هيل ) زنجبيل والقاعدة فيها عنبر وتبغ وخشب الصندل العطر ممتاز جدا وبيطغى عليه روائح التوابل ممزوجه بالعنبر والتبغ توليفه جميله وممزوجه بطريقه عبقريه خلت العطر من أكثر العطور اللى حتتلاقى عليها اعجاب الجميع خصوصاً من الجنس الآخر

 بس للاسف زى مبنقول الحلو ميكلمش لأن أداء العطر تحت المتوسط إلى الضعيف خصوصا مع سعره اللى ممكن يعدى 1500 جنيه حيكون غالى جدا لانك حيكون مطلوب منك انك تزود فى كميه العطر كل مره ترتديه بس معانا النهارده عطر مشابه جدا للعطر واداء افضل منه وطبعا سعره اقتصادى جدا وهو 

Nike man red

طبعا العطر بيجى من نيكى الشركه المتخصصه فى الادوات الرياضيه ولكن ده ميمنعش أنها تمتلك مجموعه عطريه لا بأس بها وتتفوق على غريمتها التقليديه اديداس فى مجال صناعه العطور

العطر اسمه نيكى ريد مان ومتوسط سعره فى محلات بيع العطور حوالى 280 جنيه وممكن سعره ينزل اكتر من كده كتير فى أيام الخصومات كمان 

العطر بيجى فى علبه وزجاجه جميله برضه بس لا تقارن برقى وروعه زجاجه العطر الاصلى ولكن لا بأس بها

بالنسبه لرائحه العطر برضه التوابل مهيمنه بشكل كبير جدا وتكاد تكون مطابقة جدا لرائحه العطر الاصلى بيجى فالافتتاحيه الحمضيات والقلب فيه حبهان ( هيل ) وقرفه و عين الجمل والقاعدة فيها باتشولى و اخشاب 

أداء العطر ممتاز وفوحانه كمان جيد كاداء هو افضل كتير من العطر الاصلى ممكن يديك 7 ساعات ثبات وفوحان لمده ساعتين

العطر مشابه جدا للعطر الاصلى وصعب جدا تفرق بينهم لو كنت مش خبير فى العطور 

بالنسبه للتقييم العام للعطر بالنسبه للعرض والتقديم 10/7

الأداء أولا الثبات 10/7.5 الفوحان 10/8 الرائحه 10/8.5 القيمه مقابل السعر 10/8.8 التقييم العام للعطر هو 10/8 وهو لايزال بديل ممتاز للعطر الاصلى بسعر ممتاز جدا