الأفضل لبرفان رالف لورين بولو ريد Ralph Lauren Polo red

الأفضل لبرفان رالف لورين بولو ريد Ralph Lauren Polo red

مساء الخير على كل محبين العطور فى مصر والوطن العربي

النهارده أن شاء الله معانا عطر شتوى شبابى مشهور جدا فى وسط الشباب بالذات فى مرحله الجامعات أو المرحله اللى مش بيفرق معاك العطر اكتر من أنه يكون عطر ريحته حلوه ويكون مقبول للناس اللى حواليك وهو بولو ريد 

 Ralph Lauren Polo red

طبعا تقريبا مفيش حد اعرفه مستعملش العطر ده فى مرحله ما فى حياته أو ميكنوش جربه أو شمه على حد وهو عطر جيد جدا بيجى فى عبوه كرتون عاديه وزجاجه تقليديه مشهور بيها بيت رالف لورين العطر يناسب الفئه العمريه الاصغر أو الشباب جدا بسبب افتتاحيته الجميله والمقبوله جدا اللى فيها حمضيات وفواكه والقلب فيه زهور والقاعدة فيها عنبر وقهوه بالنسبه لأداء العطر ده فهو متوسط او اقل من المتوسط ثبات لمده 3 أو 4 ساعات بالكتير وفوحان لمده 30 أو 45 دقيقه وفيه منه نسخه اكستريم أداءه افضل بفارق بسيط ولكن لايزال الأداء ضعيف جدا بالنسبه بسعره اللى بيتعدى 1000 جنيه البديل اللى معانا النهارده وحستعرض معاكم هو 

Karen low pure red 

طبعا من غير كلام كتير باين من اسم العطر وشكله أنه مستحوى من عطر بولو ريد وده بيجى من بيت العطور اللى اكيد خلاص الناس اللى متابعنى عرفته وهو كرين لاو بيت عطور ممتاز جدا فانتاج بدائل اقتصاديه مستواحه من عطر سعرها مش بيكون فى متناول الجميع بالنسبه لسعر العطر هو متوسط سعره فى محلات بيع العطور حوالى 130 جنيه ومتوفر بشكل جيد فالسوق المصرى وعلى مواقع التسوق الالكتروني وبالنسبه للعرض فهو بيجى فى علبه كرتون وزجاجه تقليديه زى كل خط بيور من كرين لاو 

اما بالنسبه الرائحه فالرائحه متطابقه جدا مع عطر بولو ريد وكمان القاعده فالعطر ده ممتازه جدا ورائحه القهوه المسكره بتظهر ويتكون واضحه جدا فيه 

بالنسبه لأداء العطر فهو مش حيكون أداء قوى ممكن يكون متوسط ولكنه افضل من أداء العطر الاصلى والفوحان لمده ساعه والأداء 4 إلى 5 ساعات ممكن توصل 6 لو كترت فى عدد رشات العطر 

الاستخدام الأمثل العطر انا شايف انه ممتاز للشباب فالجامعه أو المدرسه او ممكن يكون فالخروجات الليله وطبعا كل ده فى فصل الشتاء والخريف

بالنسبه للتقييم العام للعطر بالنسبه للعرض والتقديم 10/7 و الفوحان 10/7,5 الأداء 10/7.5 الرائحه 10/8 التقييم النهائي للعطر 10/7,5