البديل الأفضل لبرفان جون بول جوتيار الترا ميل Jean Paul gaultier ultra male

البديل الأفضل لبرفان جون بول جوتيار الترا ميل Jean Paul gaultier ultra male

مساء الخير على كل محبين العطور فى مصر والوطن العربي النهارده معانا عطر شتوى مشهور جدا وبيعتبر فى نظر كثيرين هو ملك السهرات والخروجات الليليه ومن افضل العطور بالنسبه للمجاملات والمديح وهو جون بول جوتيار الترا ميل وطبعا زى مهو معروف أن العطر ده اصدار افضل من الإصدار الاصلى لا ميل العطر الكلاسيكى المشهور 

Jean Paul gaultier ultra male جون بول جوتيار الترا ميل

العطر طبعا بيجى فى علبه خارجيه من المعدن على شكل اسطوانة وزجاجه العطر شكلها جميل ومتفرد ومشهور بيها بيت عطور جون بول جوتيار طبعا اللى جرب العطر اكيد يعرف أن العطر يتميز برائحه الكمثرى ويمكن من العطور القليلة فى السوق اللى فيها الفاكهه دى الافتتاحيه جميله جدا فيها حمضيات ونعناع وكمثرى ولافندر القلب فيه قرفه و سيدج والقاعدة فيها فانيلا وعنبر وخشب الصندل وباتشولى

 طبعا من غير شك هو عطر ممتاز جدا من كافه النواحى ولكن طبعا مش متاح لكثير من مستخدمين العطور وده بسبب سعره الغالى اللى ممكن يتجاوز 1600 جنيه والنهار ده معانا عطر ممتاز حيديك نفس الاحساس تقريبا زى العطر الاصلى وسعره  10/1  من سعر العطر الاصلى

Karen low X change wonderman كرين لاو اكستشينج واندرمان

العطر ده ممتاز جدا ومن افضل العطور الرخيصه اللى استعملتها العطر هو كرين لاو اكستشينج واندرمان العطر بيجى من افضل البيوت الفرنسيه اللى بتطرح عطور اقتصاديه شبيه لعطور غاليه مقابل سعر ممتاز وهو كرين لاو العطر بيجى فى علبه كرتون عاديه وزجاجه عاديه العرض ممكن مش هو افضل حاجه فالعطر ده ودى النقطه العاديه الوحيده فالعطر ولكن حستعرض فى  السطور للقادمه النقطات الغير عاديه فالعطر ده

اولا سعر العطر الممتاز وهو متوسط سعره فى محلات العطور أو حتى فى مواقع التسوق هو 160 جنيه 

ثانياً العطر مشابه إلى درجه التطابق  العطر الاصلى وطبعا ده باين من تسميه العطر أو الالوان المستخدمة فى علبه وزجاجه العطر

ثالثا أداء العطر ممتاز وفوحانه ممتاز كمان ممكن يديك ثبات 6 إلى 7 ساعات وفوحان لمده ساعتين وده مشابه جدا للاصدارات الجديده من العطر الاصلى ويمكن يتفوق كمان عليه فالاداء

رابعا العطر بدون اعتباره شبيه لالترا ميل العطر نفسه عطر ممتاز جدا وحتى شكل العلبه والزجاجه وجودتها مش ردئ بالعكس هو عادى مش مبهر ولكنه فريد أيضا 

خامسا رائحه العطر جميله ولا يوجد فيها اى اثار لمواد كيميائيه ودى حاجه ممتازه فى عطر بالسعر ده

دلوقتى نيجى لتقييمى للعطر العرض والتقديم 10/7.5 الرائحه 10/8,5 الأداء 10/8 القيمه مقابل السعر 10/9.5 التقييم النهائي للعطر 10/8,5