البديل الأفضل لبرفان تيرى موجليه أ مين بيور هافان Thierry mugler A*men pure Havane

البديل الأفضل لبرفان تيرى موجليه أ مين بيور هافان Thierry mugler A*men pure Havane

مساء الخير على كل محبين العطور فى مصر والوطن العربي

النهارده أن شاء الله حيبقى معانا بديل ممتاز جدا حيكون مناسب جدا للوقت ده من السنه وهو الخريف والشتاء العطر اللى معانا النهارده جيرمى فيرجيرنس حطه كأفضل برفان لفضل الخريف لاول مره السنه دى العطر من بيت عطور تيرى موجليه خط أمين 

واسمه بيور هافان 

Thierry mugler A*men pure Havane

 العطر طبعا من غير كلام كتير عطر ممتاز جدا من كافه النواحى الرائحه مناسبه جدا لفضل الخريف والشتاء لانه بيجى فالافتتاحيه التبغ والعسل افتتاحية جميله جدا والقلب فيه كاكاو وبتشولى والفانيليا والقاعدة زى اكتر العطور الشتوية فيه عنبر 

وزهور وتوابل العطر يعتبر عطر مسكر وشرقى فنفس الوقت 

العطر طبعا ممتاز بس فيه مشكلتين واضحين جدا الاول طبعا سعر العطر المبالغ فيه واللى بيكون غالى جدا للنسخ الاوليه طبعا إلى جانب أن النسخ الموجوده فالسوق أو المنتجه حديثا أداءه ضعيف 

البديل للبرفان ده بيجى من بيت عطور فرنسى وهو ريان تريديشن خط انزيكشن واسمه ويلد

Reyane Tradition issurection 2 wild

متوسط سعر العطر ده فى محلات بيع العطور حوالى 300 جنيه بيجى فى علبه وزجاجه ممتازين جدا شكل العلبه وجودتها ممكن تكون افضل من العطر الاصلى والزجاجه تصميمها جميل وفريد بس هل ده كل حاجه 

بالعكس طبعا العطر رائحه واداءه ممتازين جدا وافضل من أداءه النسخ الجديده من العطر الاصلى طبعا الرائحه فالاصلى افضل بس الفرق مش واضح خالص 

الافتتاحيه للعطر فيها تبغ وعسل نفس افتتاحية العطر الاصلى والقاعدة والقلب كمان متطابقين مع العطر الاصلى بس الفرق أن رائحه التبغ بتدوم اكتر وبعدين بيظهر رائحه الشكولاته الجميله   والفانيليا ولمحه كريز خفيفه ولكنها جميله جدا 

أداءه العطر ممتاز جدا 8 ساعات ثبات و2 من الفوحان او اقل شويه 

العطر مش بيكون متوفر بالمحلات فى كل الاوقات بس لو حتدور حيكون موجود وهو موجود على سوق دوت كوم بسعر 330 جنيه 

العطر كأداء وفوحان 8/10 والرائحة 9/10 والتقديم والعرض 10/10 والقيمه مقابل السعر 9,5/10 كاجمالى ممكن ياخد 8.5/10 المشكله الوحيده فى عدم التوافر فى المحلات لو كنت عاوز تجريه قبل الشراء