البديل الأفضل لبرفان جيرلان اوم ايديال او دى برفان Guerlain I homme Ideal eua de parfum

افضل بديل لبرفان جيرلان اوم ايديال او دى برفان Guerlain  I homme Idea eau de parfum

مساء الخير على كل محبين العطور فى مصر والوطن العربي

النهارده وبعد فتره من الانقطاع جايب ليكم بديل ممتاز لعطر خريفى شتوى مشهور جدا وهو من بيت عطور جيرلان وهو فلنكر لجيرلان ايديال ولكنه يعتبر افضل من العطر الاصلى وهو Guerlain I homme Ideal eau de parfum

 العطر ممتاز جدا الافتتاحيه فيه فيها حمضيات وزهور وتوابل قلب العطر فيه كريز وفانيلا و زهور والقاعدة فيها جلود وخشب  صندل وتونكا طبعا اللى استعمل البرفان ده اكيد حس أن الكيريز واللوز هم العنصرين الواضحين جدا وبعدين التونكا والفانيلا والويسكى العطر ممتاز جدا فالخريف والشتاء فالامسيات الليليه خصوصاً

البرفان البديل للبرفان الاصلى هو 

Karen low pure gold كرين لاو بيور جولد

العطر ده بيجى من بيت عطور فرنسى بيقدم بدائل اقتصاديه للبرفانات العالميه المشهوره والبدائل دى أكثرها ممتاز بالمقارنة بسعرها وهو Karen low والبديل اللى معانا النهارده هو pure gold وهو فعلا ذهب نقى العطر ده متوسط سعره فى محلات بيع العطور حوالى 140 جنيه فقط قصاد كده حيديك احساس انك شارى عطر ممتاز جدا

 الافتتاحيه للعطر ده فيها توابل وزهور وبعدين الكريز بيبتدى يظهر وبيفضل معاك لفتره وبتظهر  الفانيلا والتونكا بعده العطر أداء ممتاز حوالى  8 إلى 9 ساعات وفوحان لمده ساعتين العطر كأداء وفوحان ياخد 9/10 والرائحة ياخد 8/10 وتقديم العطر سواء شكل العبوه الخارجى أو شكل زجاجه العطر 8/10 وطبعا السعر قصاد القيمه 10/10

البرفان هو يعتبر مزيج بين جيرلان اوم ايديال او دى برفان إلى إلى  جانب برفان مشهور جدا وهو باكو ريبان وان مليون

طبعا البرفان لو مكنتش جربت وان مليون أو جيرلان حتحس أنه برفان ممتاز جدا بغض النظر عن أنه مستوحى من برفانات تانيه

نصيحه لاى حد بيشترى عطور لو لاقيت اى عطر من بيت عطور كرين لاو من فضلك اشتريه ومش حتندم سواء من خط بيور أو اكستشينج أو كود 37 وان شاء الله الفتره القادمه حبتدى اقدملك العطور الباقيه من بيت العطور ده