افضل عطور بيت عطور رصاصى Rasasi

افضل عطور بيت عطور  رصاصى  Rasasi 

مساء الخير على كل محبين العطور فى مصر والوطن العربي

النهارده أن شاء الله حيكون موضوعنا مختلف شويه عن افضل البدائل وحيبقى عن افضل عطور قمت بتجربتها من بيت عطور امارتى مشهور جدا وهو رصاصى وهو بيت من افضل بيوت العطور سواء العربيه او الغربيه اللى بتنتج عطور ممتازه من ناحيه الأداء والسعر أن شاء الله حنستعرض افضل 3 عطور من هذا البيت ومتوسط أسعارهم

1- Rasasi daarej

طبعا عطر دارج من افضل العطور المشهور بيها بيت عطور الرصاصى متوسط سعره فى محلات بيع العطور حوالى 350 جنيه العطر ده عطر شرقى جدا  بيظهر بوضوح الحبهان والكمون فى افتتاحية العطر وبعدين الفانيليا والتونكا واللى بتديله طابع مسكر شويه وهو عطر ممتاز للاستخدام المسائى بالذات فى فصل الشتاء عطر ممتاز جدا 

2- Rasasi shuhrah

عطر شهره من افضل عطور الرصاصى ويتفوق على دارج من ناحيه الأداء ومش على دارج بس هو ممكن يكون من افضل العطور بوجه عام من ناحيه الأداء والثبات والفوحان بيديك حوالى من 12 الى 15 ساعه أداء وحوالى 4 الى 6 ساعات فوحان متوسط سعره فى محلات بيع العطور 450 جنيه افتتاحية العطر جميله جدا فيها زهور وورد والقاعدة خشبيه جميله الى جانب رائحه العود والجلود عطر قوى جدا بالذات فى الحفلات والمناسبات الخاصه فى فصل الشتاء فهو يعتبر من افضل العطور بوجه عام

3- Rasasi hawas

طبعا عطر هوس هو اللى خلى بيت عطور الرصاصى ليه سمعه كويسه على مستوى العالم هو عطر جميل جدا فريش متوسط سعره 800 جنيه وهو غالى شويه بس يستاهل سعره وهو افضل من عطور كتيره سعرها اكتر من كده بمبالغ كبيره افتتاحية العطر فيها موالح وبعدين بتظهر رائحه التوابل والأخشاب ولكنه عطر ممتاز لفصل الصيف أداء وفوحان العطر ممتاز جدا ويعتبر هو شبيه بعطر باكو ريبان انفكتيس اكوا النسخه الاصليه ويتفوق عليه من حيث الأداء ويعتبر من افضل العطور الصيفيه بوجه عام