تقييم عطر رصاصى وودى Rasasi woody

تقييم عطر رصاصى وودى Rasasi woody

مساء الخير على محبين العطور فى مصر

النهارده ناوى ابتدى معاكم واعرفكم ايه افضل عطور موجوده فى مصر تكون مش غاليه بس حتديك احساس انك شارى عطر غالى
كرائحه واداء

اول عطر عاوز اعرضه عليكم هو عطر من بيت عطور امارتى مشهور جدا اسمه رصاصى والعطر اسم وودى

العطر ده متوسط سعره حوالى 250 جنيه فى محلات بيع العطور ممكن تلاقيه اغلى شويه على سوق دوت كوم أو جوميا
لو دورت فى المحلات حتلاقيه بالسعر ده

العطر بيجى فعبوه شيك جدا 60 ملى العلبه الكرتون وعبوه العطر نفسه بيديك احساس انك شارى عطر قيم بلمسه خشبيه  جميله جدا انا برشحه لو كنت عاوز تهادى حد عزيز عليك

رائحه العطر ممتازه جدا بيجى فالافتتاحيه الحمضيات والزهور وقلب العطر فيه فتيفر وباتشولى والقاعده فيه مسك وعود وعنبر الرائحه جذابه جدا وشرقيه تليق جدا على الاستعمال اليومى النهارى لو كان شغلك فمكتب أو كنت فى مكان مغلق

اداء العطر ممكن نقول إنه جيد جدا وحيكمل معاك من سته الى ثمانيه ساعات لو كان على بشرتك ولو كان على الملابس ممكن
يقعد يوم كامل العطر موجود على ملابسك

بالنسبه لتقييمى العطر فانا بيديله 10/8.5 كتصميم وعرض و10/8 كرائحه 10/8 كأداء وثبات